షాద్‌నగర్‌లో గణేశ్ ఉత్సవ చెస్ కార్యక్రమం నిర్వహణ

షాద్‌నగర్‌లో గణేశ్ ఉత్సవ చెస్ కార్యక్రమం నిర్వహణ


బాలబాలికల ప్రతిభకు పట్టం..

తొలి చెస్ ఛాంపియన్‌షిప్‌కు వేదికగా మల్లికార్జున కాలనీ

చెస్ ఉత్సవాలలో పాల్గొనాలని ఏసీపీ గారిని ఆహ్వానించిన చెస్ నిర్వాహకుడు వానరసి జగన్

నవోదయం/షాద్ నగర్, సెప్టెంబర్ 25

పండుగ వేళ షాద్ నగర్ పట్టణంలో చదరంగం సందడి మొదలవుతోంది. షాద్‌నగర్ చెస్ అకాడమీ చొరవతో ఈ నెల 27న తొలిసారిగా షాద్‌నగర్ గణేశ్ ఉత్సవ చెస్ ఛాంపియన్‌షిప్‌–2026 ఘనంగా జరగనుంది.మల్లికార్జున కాలనీలోని పతంజలి యోగా మందిర్ హాల్‌ వేదికగా ఆదివారం ఉదయం 9 గంటలకు పోటీల శంఖారావం మోగనుంది. పిల్లల్లో దాగున్న చదరంగ ప్రతిభను వెలికితీసి, వారిని ప్రోత్సహించడమే ఈ పోటీల ముఖ్య ఉద్దేశమని నిర్వాహకులు స్పష్టం చేశారు.ఈ సందర్బంగా షాద్ నగర్ ఏసీపీ లక్ష్మి నారాయణ గారిని కలిసి చెస్ ఉత్సవాల్లో పాల్గొనాలని ఆహ్వానించిన చెస్ టోర్నమెంట్ నిర్వాహకుడు వానరసి జగన్. సానుకూలంగా స్పందించిన ఏసీపీ గారు. ఈ పోటీల్లో అండర్‌–8 నుంచి అండర్‌–16 వరకు ఐదు విభాగాల్లో బాలబాలికలు తలపడనున్నారు. ఉదయం 8.30కే ఆటగాళ్లు రిపోర్టింగ్ చేయాల్సి ఉండగా, 9 గంటలకు లాంఛనంగా ప్రారంభోత్సవం, క్రీడాకారుల సమావేశం జరుగుతుంది. అనంతరం సాయంత్రం 5 గంటల వరకు 25 ప్లస్ 10 సెకన్ల ఇన్‌క్రిమెంట్ టైమ్ కంట్రోల్‌తో మ్యాచ్‌లు హోరాహోరీగా సాగనున్నాయి.ఈ నెల 26న సాయంత్రం 4 గంటలలోపు నమోదు పూర్తి చేసుకోవాలని చెస్ మాస్టర్ వానరాశి జగన్ తెలిపారు . విజేతలకు మెమెంటోలు, పతకాలు, ప్రశంసాపత్రాలు దక్కనుండగా, పాల్గొన్న ప్రతి ఒక్కరికీ సర్టిఫికెట్ అందించనున్నారని స్పష్టం చేశారు. ఆటగాళ్లకు ఉచిత భోజన ఏర్పాట్లు కూడా చేశారు. సాయంత్రం 5 గంటల నుంచి బహుమతుల ప్రదానోత్సవంతో పాటు సాంస్కృతిక కార్యక్రమాలు ఉంటాయని నిర్వాహకుడు ఎం.వి. జగన్ తెలిపారు. మరిన్ని వివరాల కోసం 93468 43126 సంపాదించాలని కోరారు.