బ్రేకింగ్ క్రైమ్ న్యూస్: గుర్తు తెలియని మహిళ మృతదేహం కలకలం.. క్రైమ్ సీన్‌ను పరిశీలించిన ఎస్పీ జానకి

బ్రేకింగ్ క్రైమ్ న్యూస్: గుర్తు తెలియని మహిళ మృతదేహం కలకలం.. క్రైమ్ సీన్‌ను పరిశీలించిన ఎస్పీ జానకి

మహబూబ్‌నగర్ జిల్లా | ఆగస్టు 19: రాజాపూర్ మండలంలోని రంగారెడ్డిగూడ గ్రామ సమీపంలో గుర్తు తెలియని మహిళ మృతదేహం లభ్యం కావడం కలకలం రేపింది. ఎస్.పీ. పెట్రోల్ పంపు వద్ద NH-44 రహదారి పక్కన సుమారు 35–40 ఏళ్ల వయస్సు ఉన్న మహిళ మృతదేహాన్ని పోలీసులు గుర్తించారు.

సమాచారం అందుకున్న మహబూబ్‌నగర్ జిల్లా ఎస్పీ శ్రీమతి డి. జానకి, ఐపీఎస్ సంఘటనా స్థలానికి చేరుకుని క్రైమ్ సీన్‌ను క్షుణ్ణంగా పరిశీలించారు. మృతదేహం లభ్యమైన పరిస్థితులు, సంఘటనా స్థలంలో ఉన్న ఆధారాలు, పరిసర ప్రాంతాల వివరాలను పోలీసు అధికారులను అడిగి తెలుసుకున్నారు.

ఈ ఘటనపై అన్ని కోణాల్లో సమగ్ర దర్యాప్తు చేపట్టాలని ఎస్పీ అధికారులను ఆదేశించారు. మృతురాలి గుర్తింపును త్వరితగతిన నిర్ధారించడంతో పాటు, సంఘటనా స్థలంలో లభించిన ఆధారాలను శాస్త్రీయంగా సేకరించి, సాంకేతిక ఆధారాల సహాయంతో దర్యాప్తును వేగవంతం చేయాలని సూచించారు.

మృతురాలిని ఎవరైనా గుర్తించినా, ఆమె కుటుంబ సభ్యులు, బంధువులు లేదా ఆచూకీకి సంబంధించిన సమాచారం ఎవరికైనా తెలిసినా వెంటనే రాజాపూర్ పోలీసులను సంప్రదించాలని జిల్లా పోలీసులు కోరారు.

సంప్రదించవలసిన నంబర్లు:
📞 SI, రాజాపూర్: 8712659347
📞 రాజాపూర్ పోలీస్ స్టేషన్: 8712665216
📞 CI, జడ్చర్ల రూరల్: 8712659315

క్రైమ్ సీన్ పరిశీలనలో డీఎస్పీ వెంకటేశ్వర్లు, జడ్చర్ల రూరల్ సీఐ మహేష్, రాజాపూర్ ఎస్‌ఐ రాజశేఖర్తో పాటు ఇతర పోలీసు అధికారులు, సిబ్బంది పాల్గొన్నారు.

మృతురాలి వివరాలు తెలిసిన వారు పోలీసులకు సమాచారం అందించాలని అధికారులు విజ్ఞప్తి చేశారు.